Unha vinruta con Roandi e Virxe de Galir moi concurrida

O sábado 18 de xaneiro celebramos a segunda vinruta por terras de Valdeorras. Nesta ocasión por dúas adegas de O Barco, concretamente na localidade de Éntoma: Roandi e Virxe de Galir. A primeira parada dos vinruteiros foi na adega Roandi para catar dous escumosos: Brinde e Brinde de Rosas. O Brinde é o primeiro escumoso de godello amparado pola DO Valdeorras e o Brinde de Rosas é o primeiro escumoso rosado de Galicia, recén saído ao mercado neste Nadal.
A segunda parte da vinruta foi na adega Virxe de Galir para coñecer os viños que esta adega elabora coa variedade godello e mencía. Ademáis como sorpresa puidemos catar o único mencía crianza de Galicia, o Pagos de Galir selección Rosa Rivero. A sorpresa aumentou ao poder catar tamén o G de Galir, un godello sobre lías sorprendente.
Os dous guías da visita, Gerardo Rodríguez en Roandi e José Barros en Virxe de Galir explicaron a historia das súas adegas e contestaron a todas as preguntas que lle fixeron. Moi agradecida pola súa paciencia e bo humor tanto aos vinruteiros como aos adegueiros. Agardo que repitan.

Aquí van algunhas fotos da vinruta:

Temos nova vinruta no Barco

                                          

Escumosos e viños para degustar na segunda vinruta deste sábado no Barco

Este sábado celebrase no Barco a segunda vinruta coa participación de dúas adegas da localidade de Éntoma: Roandi e Virxe de Galir. A actividade comezará a partir das sete e media da tarde na adega Roandi pioneira na elaboración de viños escumosos na Denominación de Orixe Valdeorras. Os visitantes coñecerán a historia desta adega de recente creación que conta no seu haber co primeiro escumoso de godello amparado pola DO Valdeorras e tamén o primeiro escumoso rosado de Galicia. Os dous serán catados na segunda fase da visita. A continuación a vinruta continuará na adega Virxe de Galir con viños de renome como o primeiro crianza de Valdeorras. Nesta adega terán a oportunidade de coñecer os seus viños e elaboración e a continuación catarán un mencía e un godello.

A vinruta está organizada a través do proxecto Valdeorras é viño e coa colaboración das dúas adegas a visitar. Terá un custe de 14 € por persona e as entradas están á venda en dous puntos na vila barquense: librería Murciego e tenda de música Ton y Son. Tamén se poden reservar a través do correo electrónico: valdeorrasesvino@gmail.com e no Facebook Valdeorras Es Vino.

A primeira vinruta celebrouse o pasado 28 de decembro na localidade da Rúa coa participación de tres adegas: Alán de Val, José Aristegui e Melillas. Os 15 participantes desa actividade degustaron os viños de cada adega e coñeceron a súa historia.

Feliz 2014

Faltan poucas horas para despedir o 2013 e recibir un novo ano. Esperemos mellorar e poder acadar as metas marcadas....Feliz Ano

CARTEL DA VINRUTA DO 28 DECEMBRO AO COMPLETO

A Adega José Aristegui únese á vinruta do 28 na Rúa

A Vinruta de adegas do día 28 conta cunha incorporación de última hora. A adega de José Aristegui (ubicada na Rúa Vella) únese á ruta para que os visitantes coñezan a súa historia e viños. Os visitantes por 12 €/ persoa poderán coñecer tres adegas e catar dous dos seus viños en cada unha delas. 

Así temos a visita e cata a : Alán de Val, Adega Melillas e José Aristegui

As entradas están á venda en: 

·         O Barco: Ton y Son tenda de música, Librería Murciego e Xestoría ABC.

·         A Rúa: Adegas Alán e Melillas, Tapería O Bodegón, Floristería Melillas e o Café.

Empeza o proxecto Valdeorras é viño coa primeira vinruta en dúas adegas da Rúa

Esta é a primeira actividade dun proxecto máis amplo para dinamizar e dar a coñecer os viños da Denominación de Orixe Valdeorras. Baixo o nome "Valdeorras é viño" e cun logo que lembra unha copa, vou poñer en marcha unha serie de visitas, promocións e catas para que toda aquela persoa interesada no viño poida achegarse a el no entorno de Valdeorras e coñecelo o máis posible. E quen son eu?, pois Soledad Figueroa, unha xornalista aficionada ao mundo do viño, con experiencia no sector, e coñecedora da comarca de Valdeorras. O obxectivo convertir unha afición nun medio de vida. A primeira "Vinruta" será o día 28 de decembro na zona da Rúa Vella e contando coa colaboración de dúas adegas Alán de Val e Adega Melillas , adegueiros aos que agradezo a súa colaboración.  Pouco a pouco irei contando mais actividades...de momento a primeira vinruta xa está en marcha. Tendes máis información no facebook:https://www.facebook.com/valdeorras.esvino, e tamén dentro de pouco haberá unha web en funcionamento completo: www.valdeorrasesvino.com Aqui vai a nota de prensa difundida hoxe aos medios: A primeira vinruta de adegas de Valdeorras celebrarase o sábado 28 de decembro Dúas adegas, Alán de Val e Adega Melillas, abrirán as súas portas para ofrecer unha visita e degustación  o sábado 28 de decembro a partir das doce do mediodía. As entradas xa están á venda en varios puntos das vilas do Barco e A Rúa, ademais de nas propias adegas Alán de Val e Melillas. Os asistentes pagarán 12 € por persoa por unha ruta que comezará as doce do mediodía dende o Campo de San Roque (A Rúa vella) cun microbús que levará aos participantes ata as adegas e posteriormente volverá ao punto de partida, onde se celebra a XII edición da Festa da Empanada de Costrelas. Durante as dúas horas de visita coñecerán as adegas e a súa historia e catarán dous viños (un godello e un mencía) en cada unha delas. A organización da ruta faise entre as adegas participantes e a empresa Solfiro comunicación e eventos que baixo o proxecto “Valdeorras é viño” quere dar a dar a coñecer  as adegas e os viños da comarca . Ademais das entradas para esta visita, ofrecen a posibilidade de reservar as entradas da XII Festa de Empanada de Costrelas  previa reserva, xa que os dous actos son independentes.  A idea do proxecto Valdeorras é viño  é continuar organizando novas rutas para poder promocionar as adegas e os viños. Os puntos de venta son: ·         O Barco: Ton y Son tenda de música, Librería Murciego e Xestoría ABC. ·         A Rúa: Adegas Alán e Melillas, Tapería O Bodegón, Floristería Melillas e o Café.