viernes, 20 de septiembre de 2019

Programa con múltiples actividades na XXXII Feira do Poldro e do Gando do Monte este fin de semana na Gañidoira (Muras)

Desde Solfiro Comunicación e Eventos saímos da nosa habitual actividade en Valdeorras e arredores para irnos á Terra Chá, ao Concello de Muras para axudarlles a organizar unha das feiras de referencia na zona. Agardamos que sexa todo un éxito.

Aquí deixamos a información para coñecer este evento...

O Concello de Muras ten organizado no Alto da Gañidoira un fin de semana cheo de actividades ao redor do mundo do cabalo e do gando do monte. A edición número 32 desta festa de Interese Turístico Galego terá un programa para os días 21 e 22 cheo de actividades que van dende as carreiras de cabalos polo monte e os curros de gando vacún e cabalar criado en liberdade no que se concederán máis de 7.000 euros en premios. Tamén forma parte do plan de festa a degustación da xa famosa hambuguesa Gañidoira, feita con carne de poldro, e tamén a exposición de tractores antigos, así como a presenza de máis de trinta postos de venda de artesanía, vestido e alimentación. Ademais non se esquecen as actividades para os nenos como os paseos a cabalo, inchables  e un touro mecánico. A festa tamén se expandirá a bares do concello que ofrecerán tapas de balde con carne de poldro.
Actividades do sábado
O sábado 21 a partir das 16:30 horas comezará o Raid das Bestas no que poderán participar todos aqueles xinetes interesados sen necesidade de estar federados. Será un percorrido duns 30 quilómetros no que se terá en conta a destreza do xinete e do cabalo para conceder os premios que van dos 125 aos 75 euros. Despois de rematada esta actividade haberá degustación de hamburguesas e chourizos,  contando ca colaboración de PURAGA (Asociación de Criadores de Cabalos de Pura Raza Galega).
Domingo 22: Día Grande da Feira do Poldro
Os curros de animais de gando vacún e cabalar criado en liberdade terá o seu protagonismo neste día no que se abrirá a partir das dez da mañá unha gran feira con produtos de alimentación, artesanía, vestimenta e calzado, contando ademais con espazo para a exposición de tractores antigos e diversa maquinaria agrícola. No programa haberá a celebración dun acto de confraternidade dos cabaleiros da zona e poderase degustar a xa famosa Hamburguesa Gañidoira, feita con carne de poldro e de porco celta. Os máis pequenos terán a súa carpa con inchables e touro mecánico ademais de paseos a cabalo de balde. As carreiras de cabalos coparán a axenda da tarde para rematar un día intenso de actividade.
Colaboración de asociacións
Esta feira conta coa colaboración de ASPORCEL,CAPRIGA, AVIMOS- BOAGA,PURAGA e PORCO CELTA para a exposición de razas autóctonas. Pero tamén cas asociacións de mulleres rurais e de Pais e Nais do concello. Así a asociación de Mulleres Rurais será a encargada de xestionar a venda de tickets para disfrutar da Hamburguesa Gañidoira, o prato estrela desta feira. Tamén estarán colaborando a ANPA do CEIP Antía Cal Vázquez neste caso nas actividades para os cativos tanto inchables como un touro mecánico que estará en funcionamento durante a mañá e mediodía do domingo. 









domingo, 1 de septiembre de 2019

Salón de Produtos Tradicionais no Barco no primeiro fin de semana de setembro


O Concello do Barco en colaboración co Eixo Atlántico organizará os días 7 e 8 de setembro un Salón de Produtos Tradicionais. Os 17 participantes serán produtores e vendedores de produtos e artesanía de toda Galicia e norte de Portugal. A feira abrirase ao público o sábado día 7 na zona fluvial do Paseo do Malecón. Estará en funcionamento toda a fin de semana con actuacións musicais e un restaurante ambulante como actividades complementarias.
A promoción de produtos tradicionais, na súa maioría do sector da alimentación, é o obxectivo deste novo evento na vila barquense. O viño, o mel, aceites, conservas, doces, pan e diferentes elementos de xoiaría e decoración formarán parte deste evento que terá lugar á beira do río Sil na vila barquense. Entre os participantes estarán o aceite, viño e pasteis do norte de Portugal, concretamente de Chaves e Valpaços. O horario de apertura dos dous días será de 11 a 14 horas polas mañás e de 18 a 22 horas pola tarde.

Listado de participantes no Salón de produtos tradicionais O Barco 2019.  7 e 8 de setembro

Viños e licores
-Adega Roandi
-Licores Barbudos
-Valdeorras é Viño (tenda)
-Cooperativa de Valpaços (Portugal)

Aceites
-Aceiroga

Doces e panadería
-Biquinho Doce (Portugal)
-Larpeiradas
-Cooperativa Amarelante
-Torta de Sarria
- Bicas Raigada

Queixos
-Facendera

Mel
-Dolche Abejas e O Marquesado

Multiproduto
-A Manduca tenda

Artesanía
-Pintura Sofi  Modebadze
-Aneis de Pau
-Coiro José Bertolo





miércoles, 16 de enero de 2019

XIX Festa do Botelo 2019 no Barco de Valdeorras



O alcalde do Barco, Alfredo García e a Concelleira de Cultura e Educación, Margarida Pizcueta foron os encargados de presentar o cartel da XIX edición da Festa do Botelo 2019. Un cartel que ten moita relación coas actividades de promoción que se veñen realizando nos últimos anos e co pregoeiro oficial do 2019 o humorista, actor e presentador, Roberto Vilar. Actualmente Roberto Vilar presenta o seu programa, Land Rober Tunai Show da Televisión de Galicia (TVG) e sendo líder de audiencia no seu día de emisión na canle pública galega. Este é o protagonista do cartel para convertelo nun novo embaixador do botelo  xunto coa “boteloneta” que leva percorrido a comarca nos últimos anos cos xornalistas e blogueiros que viñan coñecer a elaboración do botelo e o seu entorno. Ademais de facer referencia  ao percorrido que se fai cada ano por Coruña, Vigo e outras localidades coa “festa do Botelo” co afán de promocionalo noutros lugares fora das terras valdeorresas.
Ademais de presentar o cartel e o pregoeiro desta nova edición tamén adiantaron algúns puntos do programa. Entre eles quen recibirá a Mención de Honra 2019 que será para o Restaurante Fernando III . Un local referente na gastronomía da vila na actualidade.


Actividades da Festa do Botelo: presentación dun libro, película, Cantos de taberna , Feira de produtos tradicionais e programa Aquí Galicia da TVG

No programa de actividades da XIX Festa do Botelo tamén se inclúe a proxección dunha película no Teatro Lauro Olmo relacionada co mundo da gastronomía. O título deste ano é “Una receta familiar” e poderá verse o xoves, 17, ás 19 e 21 horas no Teatro Lauro Olmo.  Ao día seguinte, terá lugar a presentación do libro “Ninfopoética” da poetisa Fátima Delgado (presentadora este ano do acto do pregón) que será ás 20 horas na Biblioteca Florencio Delgado Gurriarán. Unha hora máis tarde e no Teatro Lauro Olmo a compañía Contraproducións porá en escea a obra “Commedia”.
Un ano máis haberá Feira de Produtos Tradicionais que este ano cambia de ubicación e estará no Campo da Festa no Paseo do Malecón durante o sábado todo o día. O número de participantes estase a perfilar nestes días e informarase proximamente.  Neste mesmo lugar tamén terá lugar o sábado 19 pola tarde a emisión do programa da TVG “Aquí Galicia”. Un espazo de actuacións musicais en directo e emisión de reportaxes de actualidade e promocionais da comarca de Valdeorras. Xa entrada a tardiña os Cantos de Taberna voltarán a amenizar varios locais da vila coa música tradicional.




PROGRAMA OFICIAL XIX FESTA DO BOTELO 2019



XOVES 17 DE XANEIRO
PELICULA
Titulo: Unha receita familiar
Lugar: Teatro Lauro Olmo
Hora: 19 e 21 horas
Entrada gratuíta

VENRES 18 DE XANEIRO
PRESENTACION DE LIBRO
Título: Ninfopoética
Autora: Fátima Delgado
Lugar: Biblioteca Florencio Delgado Gurriarán
Hora: 20 horas


TEATRO
Título: “Commedia”
Compañía: Contraproducións
Hora: 21 horas
Lugar: Teatro Lauro Olmo

SÁBADO 19 DE XANEIRO
XIX FESTA DO BOTELO
Feira de produtos tradicionais (Sábado e domingo)
Lugar: Campo da Festa, Paseo do Malecón
Hora: Dende ás 11 da mañá ata ás 19 horas  (os dous días)
Acto pregón e Mención de Honra
Lugar: Teatro Lauro Olmo
Hora: 12 horas
Pregoeiro: Roberto Vilar (humorista, actor e presentador)
Mención de Honra: Restaurante Fernando III
Comida oficial da Festa do Botelo
Lugar: Pavillón de deportes de Calabagueiros
Hora: 14:30 horas
Programa da TVG Aquí Galicia
Lugar: Campo da festa, Paseo do Malecón
Hora: 16 horas

Cantos de Taberna
Lugar: bares da vila
Hora: 19 horas


Todas as actividades están tamén na web www.festabotelo.es



miércoles, 23 de mayo de 2018

Unha nova edición das Xornadas de Portas Abertas en Valdeorras

Estamos a pouco máis dunha semana de vivir unha nova edición das Xornadas de Portas Abertas de Valdeorras. Nesta sétima edición participan sete adegas, un hotel con restaurante, un bar e unha casa de turismo rural asociadas á Ruta do Viño de Valdeorras. Dende o venres día 1 ata o domingo día 3 haberá unha actividade de pincha e cata, rutas en bus do viño para coñecer as adegas, unha festa de Portas Abertas no Barco e unha andaina pola Serra da Lastra.
Todas as actividades están no programa que vos incluimos a continuación e tamén o xeito de apuntarvos a través do correo: rutadelvinodevaldeorras@gmail.com e tamén chamando ao teléfono 619086326.




domingo, 7 de enero de 2018

Presentado o cartel da XVIII Festa do Botelo do Barco que se celebrará o 20 e 21 de xaneiro

O alcalde do Barco, Alfredo García e a Concelleira de Cultura e Educación, Margarida Pizcueta foron os encargados de presentar o cartel da XVIII edición da Festa do Botelo 2018. Un cartel que baixo o lema “O pai de todos os botelos” fai alusión ao mundo do cine e a última entrega da saga de Star Wars que como indicou a concelleira Pizcueta “está agora de actualidade en todo o mundo e queremos que o botelo acade tamén esa internacionalidade”. Ademais de presentar o cartel desta nova edición tamén adiantaron algúns puntos do programa  “que se está rematando de perfilar” explicou a concelleira.
A Festa do Botelo do Barco celebrarase o fin de semana do 20 e 21 de xaneiro e tal e como explicou o alcalde, Alfredo García: “ampliamos a toda a fin de semana a actividade porque queremos que a xente nos visite e deguste o botelo nos restaurantes da vila, non só o día da comida institucional do día 20 no pavillón de Calabagueiros”.
Novidades na compra de entradas
 Na presentación do cartel xa foron adiantando algunhas das novidades deste ano no referente á compra de entradas para a asistir á comida no pavillón de Calabagueiros o día 20 de xaneiro. Como primeira novidade explicaron que se cambia a venda de entradas á fin de semana anterior á festa e non se fará nun luns como viña sendo habitual ultimamente. A venda farase o sábado, día 13 de xaneiro, en horario de tarde aínda sen especificar. “Así poderán comprar entradas a xente que pola semana traballa” explicou a concelleira Margarida Pizcueta, quen tamén indicou que se cambia o lugar de venda das entradas do Teatro Lauro Olmo ao terceiro andar da Casa do Concello do Barco. E por último tamén se anunciou que as 1150 entradas que se porán á venda subirán de prezo e custarán 18 euros cada unha e que cada comprador só poderá adquirir como máximo 10 entradas.
A concelleira, Margarida Pizcueta, indicou que o resto do programa farase público o próximo día 9 de xaneiro.

VENDA DE ENTRADAS
Día: 13 de xaneiro
Lugar: Terceiro Andar da Casa do Concello do Barco
Hora: pola tarde aínda sen concretar
Número de entradas á venda: 1150
Prezo: 18 euros
Número máximo de entradas por persoa: 10 entradas


Todas as actividades iranse anunciando na web www.festabotelo.es


miércoles, 4 de octubre de 2017

Material promocional personalizado para empresas

Estamos no últimos meses do ano, momentos nos que se planean actividades e material promocional para o ano que ven. Entre eles están as axendas personalizadas, con fotos de empresa, con explicacións dos traballos que se elaboran, dentro dunha axenda que os seus clientes usarán todo o ano para anotar temas variados. As axendas en papel teñen moito percorrido e poden ser un gran instrumento de publicidade.
Tamén entra dentro deste rango promocional os almanaques, que feitos con estilo, poden resultar unha ferramenta divulgativa rechamante.

Solfiro, Comunicación e Eventos, estamos dispostos a asesorarte nestes e noutros temas relacionados coa promoción do teu negocio.

Pídenos presuposto sen compromiso....


jueves, 27 de julio de 2017

Actividades das VI Xornadas de Portas Abertas 2017

Hai dous meses por estas datas empezábamos unha serie de actividades dentro das VI Xornadas de Portas Abertas: Cata degustación, visitas gratuitas a adegas, transporte gratuito, III Festa de Portas Abertas no Barco...

Aquí deixamos algunhas fotos destas actividades na comarca de Valdeorras: